Ўзбекистон фуқаролик жамияти институтлари делегациясининг Францияга ишчи ташрифининг давоми (Париж, 2025-йил 13-15-апрель)

2025 йил 13-15 апрелда Ўзбекистон фуқаролик жамияти вакиллари Белгиядаги Европарламентда ўтказилган учрашувлардан сўнг, Франциянинг пойтахти Парижга етиб келди ва делегация аъзоларининг илк учрашувлари бошланди. 2025 йил 13 апрель куни Парижда Ўзбекистон фуқаролик жамияти институтлари вакилларининг делегация азъзоси, «САБР» Республика ижтимоий-иқтисодий ривожланиш маркази директори М.Р.Ширинованинг Франциядаги Темурийлар тарихи ва санъатини ўрганиш Уюшмаси президенти Фредерик Брессанд хоним билан учрашуви бўлиб ўтди.

«САБР» РИИРМ мазкур Уюшма билан 25 йилдан буён ҳамкорлик қилади. Шу жумладан, "САБР" томонидан 2009, 2013, 2015 йилларда Лондонда ташкил этилган "ШАРҚ ДУРДОНАСИ" аёллар халқаро маданият ва бизнес форуми доирасида Фредерик Брессанд хонимнинг замонавий Ўзбекистоннинг хотин-қизлари, Самарқанднинг тарихий архитектура обидалари ва бошқа мавзуларга бағишланган "Аёллар аёл нигоҳида", "Ўзбекистоннинг қадимий меъморчилиги" номли фото-кўргазмалари ташкил этган. Учрашув давомида Фредерик Брессанд хоним "La Temurids" Уюшмасининг 35 йиллик фаолиятига бағишланган китобини чоп этиш учун тайёрлаганини ҳамда Ўзбекистоннинг икат ва сузаналари бўйича фото-кўргазмага таёргарлик кўраётганлиги ҳақида сўзлаб берди. Шунингдек, учрашув давомида режалаштирилаётган тадбирлар ва Уюшма журналининг навбатдаги сонида Ўзбекистон Республикаси Президенти Ш.М.Мирзиёевнинг Францияга ташрифи бўича мақолалар чоп этилиши ҳақида муҳокама қилинди.

Маълумот учун: Франциянинг Темурийлар тарихи ва санъатини ўрганиш уюшмаси темуршунос олимлар - профессор Люсьен Керен ҳамда Фредерик Бопертюи-Брессанд xоним ташаббуси билан 1988 йили Парижда ташкил этилган. Мамлакатнинг атоқли олими Люсьен Керен саъй харакати туфайли Темурийлар тарихи ва санъатини ўрганиш Уюшмаси Францияда Амир Темур ва Темурийларнинг бой маданий меросини ўрганиб, Ўзбекистоннинг тарихий-маданий меросини Франция жамоатчилиги ўртасида оммалаштириш билан шуғулланиб келмоқда. Ташкилот томонидан Темурийлар даврига бағишланган илмий мақолалар нар этилиб, тақдимотлар ўтказилиб, китоблар чоп этилмоқда. Уюшманинг “"La Temurids"” журналида уша даврларнинг тарихи ва маданиятига ҳамда замонавий Ўзбекистоннинг илмий ва маданий ҳаёти билан боғлиқ ҳодисаларга бағишланган ўзбек ва француз олимларининг мақолалари чоп этилмоқда.

Темурийлар санъати ва тарихини ўрганиш Уюшмаси ва француз – ўзбек маданий ҳамкорлиги ушбу муҳим даврнинг тарихини ўрганишда, меросни оммалаштиришга ўз ҳиссасини қўшиб келмоқда. Собиқ совет иттифоқи даврида Ўзбекистоннинг ўзига хос бой маданий мероси, айниқса темурийлар даврининг ноёб санъати ҳақида кўплар билмас эди. Ўзбекистон мустақилликга эришганидан сўнг жаҳон ҳамжамиятини республиканинг бой маданий, илмийва архитектура мероси билан яқиндан танишитириш имкониятига эга бўлди.

15 апрель куни Франция жамоатчилиги ва нодавлат ташкилотлари вакиллари иштирокида «Ўзбекистон − 2030» стратегияси доирасида фуқаролик жамияти институтларини ривожлантириш бўйича амалга оширилаётган ислоҳотларга бағишланган давра суҳбати бўлиб ўтди. Учрашувда Ўзбекистоннинг Франциядаги элчиси жаноб Нодир Ғаниев ва Ўзбекистон делегацияси раҳбари - Демократик жараёнларни таҳлил қилиш маркази директори  Азамат Пардаев ҳамда икки мамлакат давра суҳбати иштирокчилари маъруза қилдилар. Тадбир давомида Ўзбекистонда амалга оширилаётган ислоҳотлар ва стратегиялар, айниқса, фуқаролик жамиятини ривожлантириш масалалари юзасидан қизғин ва конструктив фикр алмашилди.

Хусусан, мамлакатда оҳирги 8 йил ичида амалга оширилган кенг қамровли ислоҳотлар фуқаролик институтларинининг роли,  аҳолини ижтимоий – иқтисодий қўллаб қувватлаш соҳасида фуқаролик институтлари ва нодавлат нотижорат ташкилотлари ҳам фаол иштирок этаётгани ҳақида ахборот берилди. Шунингдек, Ўзбекистон Республикаси Президентининг Францияга бўлган ташрифи давомида имзоланган стратегик шериклик тўғрисидаги шартномага мувофиқ фуқаролик жамияти институтлари ҳам мазкур икки давлат ўртасида имзоланган хужжатда белгиланган вазифаларни амалга оширишда фаол бўлишлари кераклигини таъкидлаб, ўзаро ҳамкорликни ўрнатиш ва ҳамкорликда ишлаш бўйича тушунтиришлар берилди.

Франциянинг Европада хавфсизлик ва истиқболлар институти (IPSE) директори Эммануэл Дюпюи билан учрашув. (Маълумот учун: IPSE - 1998 йилда ташкил этилган халқаро хавфсизлик, дипломатия, ижтимоий ривожланиш ва геосиёсат соҳасидаги тадқиқотларга ихтисослашган таҳлилий марказ. Институт маҳаллий ва европалик сиёсатчилар учун амалий тавсиялар ишлаб чиқиш, илмий тадқиқотлар ўтказиш, семинарлар ташкил этиш ва таҳлилий мақолалар чоп этишга мўлжалланган).

Ватандошимиз Навбаҳор Хониёзова-Будо хоним билан жуда қизиқарли учрашув бўлиб ўтди - у Лион шаҳридаги мигрант аёлларга ёрдам бериш, уларга француз тилини, касбий кўникмаларни ўргатиш, психологик ва ҳуқуқий маслаҳатлар бериш, ижтимоий тадбиркорликни ривожлантириш, мигрант аёлларга ўз тадбиркорликларини очиш ва ривожлантиришда кўмаклашиш каби икки нодавлат нотижорат ташкилотининг асосчиси. Қабул давомида иштирокчилар ўртасида жонли мулоқот давом эттирилди, хусусан, Euronews журналисти Галина Полонская хоним Европа Иттифоқи − Марказий Осиё биринчи саммити тадбирлари доирасида Ўзбекистонга ташрифи ҳақида сўзлаб берди. Полонская хоним сўнгги йилларда мамлакатимизнинг ривожланишидан ҳайратда қолганини таъкидлаб, у Euronews учун мамлакатимиз аёлларини қўллаб-қувватлаш ва ривожлантириш мавзусида кўрсатувлар тайёрлаш учун турли соҳаларда фаолият юритаётган Ўзбекистоннинг энг ажойиб ва қизиқарли  аёллари билан кўрсатувлар тайёрлашни режалаштиргани ҳақида айтиб ўтди. Euronews штаб-квартираси Лион шаҳрида жойлашган.

Шунингдек, Франциянинг Ўзбекистондаги собиқ элчиси жаноб Жан Клод Ришар (1995-2005) мамлакатимизда бўлган энг яхши ва ёрқин дамларини хотирлаб, Ўзбекистон Франция билан алоҳида муносабатларга эга эканини, кўплаб соҳаларда дўстона алоқаларни ривожлантиришда давом этаётгани ва эндиликда фуқаролик жамияти институтлари ўртасида илиқ муносабатлар ўрнатилаётгани ҳақидаги таассуротлари ҳам барча учун қизиқарли бўлди.