Tashkilot haqida

Missiya - yordamga muhtoj, nochor aholi qatlamlarining  ijtimoiy-iqtisodiy ahvolini yaxshilanishiga ko‘maklashish, ularning fuqarolik  faolligini oshirish, qobiliyat va imkoniyatlarini namoyon qilishda demokratik qadriyatlar va ijtimoiy sherikchilikka asoslangan ijtimoiy innovatsiyalarni qo‘llash orqali erishish.

Markazning asosiy maqsadi - demokratik qadriyatlar asosida aholi, ayniqsa, qishloq joylardagi kam ta’minlangan oilalar, xotin-qizlar va yoshlarga ijtimoiy-iqtisodiy innovatsiyalar (raqamli va axborot texnologiyalari, «yashil» ekologiya va «yashil» iqtisodiyot, kattalar ta’limi va boshqalar) asosida yordam ko‘rsatishdan iborat.

Markazning asosiy rivojlanish bosqichlari:

SABR  o'z faoliyatini 1996 yil noyabr oyida Ishonch Markazi sifatida boshlagan. Asosiy maqsadi krizis vaziyatga tushgan ayollar va bolalarga yordam berish. Faoliyat doirasi kengayishi munosabati bilan 2005 yil mart oyida markaz "SABR" ijtimoiy-iqtisodiy rivojlanish markazi sifatida qayta ro'yxatdan o'tkazildi. 2016 yil avgust oyida tashkilot "SABR" Respublika ijtimoiy-iqtisodiy rivojlanish markazi sifatida qayta ro'yxatdan o'tkazildi.

Asosiy faoliyat yo'nalishlari:

* qiyin ahvoldagi ayollar va bolalarga psixologik, ijtimoiy, huquqiy va tibbiy yordam ko'rsatish (qishloq aholisi bilan joylarda uchrashuvlar, shaxsan va telefon ishonch telefonlari orqali maslahat berish va h.k);

* ta'lim va ma'rifiy tadbirlarni o'tkazish (treninglar, konferentsiyalar, forumlar, davra suhbatlari, media-kampaniyalar);

* o'quv qo'llanmalarni tayyorlash va nashr etish;

* O'zbekiston Respublikasi Nodavlat Notijorat Tashkilotlariga uslubiy va amaliy yordam ko'rsatish;

* qishloq kambag'al ayollari va qizlariga kasbiy mahoratni singdirish.

aholining ijtimoiy-iqtisodiy ahvolini yaxshilash maqsadida kam daromadli iqtisodiy faol qatlamlari uchun mikrokredit dasturini amalga oshirish.

 «SABR» NNT – ham o‘rgatuvchi, ham o‘rganuvchi tashkilotdir. «SABR» Respublika ijtimoiy-iqtisodiy rivojlanish markazi hamda hamkor NNTlar tomonidan amalga oshirilayotgan loyihalar noformal ta'limga asoslangan, innovatsion usullardan foydalanadigan va yakuniy natijalarga yo‘naltirilgan kompleks yondashuv asosida  faoliyat yuritadi.